Wednesday, 23 August 2017 07:51

በስፔን ባርሴሎና የሽብር ጥቃት ያደረሱት አራት ግለሰቦች ዛሬ በማድሪድ ከፍተኛ ፍርድ ቤት ቀረቡ፡፡

Written by 
Rate this item
(0 votes)

በስፔን ባርሴሎና የሽብር ጥቃት ያደረሱት አራት ግለሰቦች ዛሬ በማድሪድ ከፍተኛ ፍርድ ቤት ቀረቡ፡፡
ለ15 ሰዎች ህይወት ህልፈት እና ለ100 ሰዎች ጉዳት ተጠያቂ የሆኑት ግለሰቦች በከፍተኛ ፍርድ ቤት ዳኛ እየተጠየቁ ይገኛሉ፡፡
ሌሎች በሽብር ጥቃቱ ተሳታፊ ነበሩ የተባሉ 8 ሰዎችም ሞተዋል፡፡በጥቃቱ ተሳታፊ ከነበሩት ሁለቱ ሲሰሩ የነበሩት ቦምብ በድንገት በመፈንዳቱ ሲሞቱ 6ቱ በፖሊስ ተተኩሶባቸው ሕይወታቸው አልፏል፡፡
የ22 አመቱ ዩኑስ አቡ ያእቆብ ጥቃቱን ያደረሰው መኪና ሹፌር ነው ተብሏል፡፡ አቡያእቆብ በባርሴሎና ምእራባዊ ክፍል ቪኒያርድ በተባለ ቦታ ሀሰተኛ ተቀጣጣይ የቦምብ ቀበቶ ለብሶ እና ቢላዎችን ታጥቆ ሽብር ለመፍጠር ሲሞክር በፖሊስ ተገድሏል፡፡
ዳኛው ፈርናንዶ አንድሩ ክሱን አንብቦ በሽብርተኛነት፤ የሰው ነፍስ ማጥፋት እና የጦር መሳሪያ ይዞ በመገኘት ወንጀል ፍርድ እንዲያስተላልፍ ይጠበቃል፡፡
መርማሪዎች ዛሬ ከሰአት ለፍርድ ቤቱ ማረጃቸውን ማቅረብ ጀምረዋል፡፡
በፍርድ ቤቱ የተገኙት ሌሎቹ ተጠርጣሪዎች የ28 አመቱ ድሪስ ኦክቢር በመኪና ውስጥ ፓስፖርቱ የተገኘ ሲሆን ንጹህ ነኝ በፖሊስ የተገደለው ወንድሜ ሙሳ ሰርቆኝ ነው ሲል ተናሯል፡፡
ሞሀመድ አላ የተባለው የ27 አመቱ ተጠርጣሪ በካምብሪስ የባርሴሎናውን ጥቃት ተከትሎ በደረሰ የሽብር ጥቃት የመኪናው ባለቤት ነው፡፡
ሶስተኛው ተጠርጣሪ ሳሀል አል ካሪብ የተባለ የ34 አመት ሰው ነው፡፡ በሪፖሊ አካባቢ ገንዘብ ለመላላክ ህዝብ የሚጠቀምበትን የኢንተርኔት ካፌ ባለቤት ሲሆን ድርጅቱን ወደ ሞሮኮ ገንዘብ በመላክ ወንጀል ተጠርጥሮ ነው ፍርድ ቤት የቀረበው፡፡ ከ12ቱ ተጠርጣሪዎች አብዛኞቹ በሪፖሊ አካባቢ በባርሴሎና ሰሜናዊ ክፍል ለፈረንሳይ ድንበር ቅርበት ባለው አካባቢ ይኖሩ የነበሩ ናቸው፡፡
ቢቢሲ ዘግቦታል፡፡

Read 50 times

Leave a comment

Make sure you enter the (*) required information where indicated. HTML code is not allowed.