Wednesday, 23 August 2017 08:02

ዚምባቡዌ የፕሬዝደንት ሮበርት ሙጋቤ የልደት ቀን ህዝባዊ በዓል ሆኖ እንዲከበር ወሰነች

Written by 
Rate this item
(0 votes)

ዚምባቡዌ የፕሬዝደንት ሮበርት ሙጋቤ የልደት ቀን ህዝባዊ በዓል ሆኖ እንዲከበር ወሰነች
የሀገሪቱ የዜና ምንጭ እንዳስታወቀዉ የፕሬዝደንቱ የልደት ቀን የሆነዉ የካቲት 21 ቀን ህዝባዊ በዓል ሆኖ እንዲከበር የተወሰነዉ የ ፓርቲያቸዉ ዛኑ ፒ ኤፍ የወጣት ሊግ አባላት ባቀረቡት ተደጋጋሚ ጥያቄ መሰረት ነዉ::
ይህ ቀን እንዲከበር መወሰኑ ለ ሀገሪቱ ወጣቶች ፕሬዝዳንቱ ያደረጉትን ከፍተኛ አስተዋጽዖ ለማሳየት እንዲሁም እሳቸዉን በምሳሌነት በመዉሰድ ለለዉጥ ዝግጁ እንዲሆኑ ለማድረግ ያስችላል ሲሉ የሀገር ዉስጥ ጉዳይ ሚኒስትር የሆኑት ኢግናቲየስ ቾምቦ ለ ሀገሪቱ ሄራልድ ጋዜጣ ተናግረዋል፡፡
ሚኒስትሩ ጨምረዉ እንዳሉትም የፕሬዝደንቱ የልደት ቀን ህዝባዊ በዓል ሆኖ እንዲከበር በ ካቢኔዉ የተወሰነዉ በገዢዉ ፓርቲ የሀገሪቱ ዋና የአየር ማረፊያ በ ፕሬዝደንት ሮበርት ሙጋቤ ስም እንዲሰየም ከተጠየቀ ከ አመታት በኋላ ነዉ፡፡
የ 93 አመቱ ፕሬዝደንት ሀገሪቱን ለመምራት ወደ ስልጣን የመጡት ዚምባቡዌ ነጻነቷን ከ እንግሊዝ ባገኘችበት ወቅት ሲሆን ላለፉት 37 አመታትም ዚምባቡዌን እየመሩ ይገኛሉ
በቀጣዩ የሀገሪቱ ምርጫ ላይም ፓርቲያቸዉ ዛኑ ፒ ኤፍን ወክለዉ እንደሚወዳደሩ ማስታወቃቸዉ የሚታወስ ነዉ::ፕሬዝደንት ሙጋቤ በተለያየ ጊዜ በሚያደርጓቸዉ ነገሮች አነጋጋሪ የሆኑ መሪ ናቸዉ፡፡
ዘገባዉ የ ሲጂቲ ኤን ነዉ

Read 47 times

Leave a comment

Make sure you enter the (*) required information where indicated. HTML code is not allowed.