አለም አቀፍ ዜናዎች (169)

Thursday, 17 August 2017 07:23

በሴራሊዮን በደረሰዉ የጎርፍና አፈር ናዳ የሞቱት ሰዎች ቁጥር ከ 400 በላይ ደርሷል

በሴራሊዮን በደረሰዉ የጎርፍና አፈር ናዳ የሞቱት ሰዎች ቁጥር ከ 400 በላይ ደርሷል
ባሳለፍነዉ ሰኞ በዋና ከተማዋ ፍሪታዉን በደረሰዉ የጎርፍና የአፈር ናዳ አደጋ የሞቱ ሰዎች ቁጥር ከ 400 ከፍ እንዳለ የተነገረ ሲሆን 600 ያህል ሰዎች ደግሞ የደረሱበት አልታወቀም ይህም የሟቾች ቁጥር ከፍ እንዲል ሊያደርግ ይችላል ተብሏል
በሀገሪቱ ትልቁ የሆነዉ ኮኖት ሆስፒታል የተጎጂዎች ቁጥር ከ አቅም በላይ እንደሆነበትም እየገለጸ ይገኛል
በተራራና በባህር የተከበበችዉ ፍሪታዉን ከፍተኛ ዝናብን ከሚያስተናግዱ ከተሞች መሀል አንዷ ስትሆን መጠነኛ ጎርፍ በከተማዋ የተለመደ ቢሆንም የአሁኑ አይነት የጎርፍ አደጋ ግን አጋጥሟት አያዉቅም
ለአደጋዉ እንደመንስኤ የሚጠቀሰዉ የአየር ንብረት ለዉጥ ቢሆንም የህዝቡ አሰፋፈር. ከተማዋ በ ፕላን አለመገንባቷ እና የጎርፍ መከላከያዎችና ዛፎች አለመኖራቸዉም አደጋዉን ከባድ ሊያደርጉት መቻላቸዉ ተገልጻል
በአደጋዉ ከቤት ንብረታቸዉ የተፈናቀሉ ዜጎችም ማረፊያቸዉን በእምነት ተቋማት አድርገዋል
የሴራኒዮን መንግስትም ድጋፍ እንዲደረግለት የጠየቀ ሲሆን ብሪታንያ እና እስራኤል ንጹህ ዉሃን ጨምሮ መድሃኒትና ብርድ ልብስ እየላኩ ይገኛሉ
ሴራሊዩን በኢቦላ ምክንያት በአንድ ቀን 111 ዜጎቿን አጥታ እንደነበር ይታወሳል bbc

Wednesday, 16 August 2017 07:56

ቻይና ከሰሜን ኮሪያ የምታስገባቸው ምርቶች ላይ ተግባራዊ ያደረገችውን ማእቀብ ተከትሎ ሀገሪቱ በአሜሪካ የጦር ሰፈር ጉዋም ላይ አደርገዋለሁ ያለችውን ጥቃት መሰረዟን አስታወቀች፡፡

ቻይና ከሰሜን ኮሪያ የምታስገባቸው ምርቶች ላይ ተግባራዊ ያደረገችውን ማእቀብ ተከትሎ ሀገሪቱ በአሜሪካ የጦር ሰፈር ጉዋም ላይ አደርገዋለሁ ያለችውን ጥቃት መሰረዟን አስታወቀች፡፡

ቻይና ከሰሜን ኮሪያ የምታስገባቸውን የከሰል፤ብረት፤የብረት አፈር እና የባህር ምግቦች እንደምታቆም ባሳወቀች ማግስት የሰሜን ኮሪያ ፕሬዚዳንት ኪም ጆንግ ኡን ሚሳኤሎቹን ለመተኮስ ያለው እቅድ መሳካት ላይ በጄነራሎቹ ማብራሪያ ቢደረግለትም ለመቆየት እንደመረጠ በሀገሪቱ መገናኛ ብዙሀን በኩል አሳውቋል፡፡
ምንም እንኳን ጉዋምን ለመምታት አስፈላጊውን ዝግጅት ብናጠናቅቅም ውሳኔ ከማስተላለፋችን በፊት ሞኞቹ ያንኪዎች የሚያደርጉትን ማየት እንፈልጋለን ስትል ሰሜን ኮሪያ በሀገሪቱ መገናኛ ብዙሀን ተናግራለች፡፡
የሰሜን ኮሪያን 90 በመቶ አለምአቀፍ ንግድ ድርሻ የምትወስደው ቻይና ምርቶቹን ከመላክ እንደምትቆጠብ ያሳወቀችው በተባበሩት መንግስታት ሀገሪቱ ባሳለፍነው ወር ያደረገችውን ተከታታይ የባሊስቲክ ሚሳኤል ተኩስ ሙከራ ተከትሎ የተጣለውን ማእቀብ ለመተግበር እንደሆነ ተናግራለች፡፡
ማእቀቡ ሰሜን ኮሪያ በየአመቱ ከምታገኘው ገቢ 1ቢሊየን ዶላር ለማጣት ታቅዶ የተደረገ ነው፡፡
ቻይና በ2009 አ.ም ብቻ ከሰሜን ኮሪያ 1.2 ቢሊዩን ዶላር የሚያወጣ ከሰል አስገብታ ነበር እንደ ኢኮኖሚ ባለሙያዎች ከሆነ የዚህ አመቱ ቁጥር በማእቀቡ ምክንያት እጅግ ዝቅተኛ እንደሚሆን ይጠበቃል፡፡
አሁን ሀገሪቷ ጉዋም ላይ ያነጣጠረችውን ጥቃት ለጊዜው እንዳቆመች መግለጾን ተከትሎ የጎረቤቷ ደቡብ ኮሪያ ፕሬዚዳንት ሙን ጄ ኢን አሜሪካን ሳታማክሪኝ በኮሪያ ቆንጽላ አካባቢ ጥቃት እንዳታደርስ ጠይቃለች፡፡
ቢቢሲ ዘግቦታል፡፡

Wednesday, 16 August 2017 07:53

ወደ አምሳ ሺ የሚጠጉ ረዳት አልባ የሆኑ ሰዎች በደቡብ ሶሪያ ጆርዳን ጠረፍ ላይ ይገኛሉ፡፡

ወደ አምሳ ሺ የሚጠጉ ረዳት አልባ የሆኑ ሰዎች በደቡብ ሶሪያ ጆርዳን ጠረፍ ላይ ይገኛሉ፡፡
ወደ ሀምሳ ሺ ከሚጠጉት እነኚህ ረዳት አልባ ከሆኑት ሰዎች መካከል አብዛኞቹ ሴቶች እና ህጻናት ሲሆኑ ይህ ያረፉበት ጠረፍም ያልተስተካከለ ቦታ እና የአየር ንብረቱም አስቸጋሪ ነው ሲል የተባበሩት መንግስታት ተናግሯል፡፡
የተባበሩት መንግስታት ምክትል ቃለ አቀባይ የሆኑት ፋርሀን ሀቅ ለጋዜጠኞች በሰጡት መግለጫ ስደተኞቹ ቦታውን ለቀው በሚሄዱበት ጊዜ የተለያዩ አደጋዎች ደርሶባቸዋል ብለዋል፡፡
ቃለ አቀባዩ በርም ተብላ በምትጠራው ቦታ ላይ የቀሩት እነኚህ ሰዎች የጤና ችግር እና የምግብ እጥረት አጋጥሟቸዋል ሲሉ በድጋሚ ተናግረዋል፡፡
የሶሪያ መንግስት እና አጋሮቹ በቦታው ላይ ያሉትን ስደተኞች በመቃወም ጆርዳን ጠረፍ ላይ ያለ ቁልፍ የሆነ ቦታ ተቆጣጥረዋል፡፡
የሶሪያ ብዙሃን መገናኛዎች እንደገለጹት የሀገሪቷ የመንግስት ወታደሮች የያዙት ቦታ አንድ ሺህ ሦስት መቶ ስኩዌር ኪሎ ሜትር የሚሆን ነው ሲሉ ገልጸዋል ፡፡
ካለፉት አመታት በኋላ የተባበሩት መንግስታት ድርጅት ጆርዳን ጠረፍ ላይ ለሚገኙ ስደተኞች የእርዳታ ድጋፍ እንዲደረግላቸው ተስማምቷል፡፡
ፈርአን ሀቅ በትናንትናው ዕለት እንደተናገሩት የተባበሩት መንግስታት የጆርዳንን ግዛት መደገፋቸውን እንዲቀጥሉ እና ተጨማሪ ህይወት አድን እርዳታ እንደሚያስፈልግም ቃለ አቀባዩ ተናግረዋል፡፡
ምንጫችን አልጀዚራ ነው

Wednesday, 16 August 2017 07:33

የኢራን ፕሬዝዳንት የሆኑት ሀሰን ሮሀኒ በሠአታት ውስጥ የኒውክለር ማብላያችንን በድጋሚ ስራ ማስጀመር እንችላለን ሲሉ አሜሪካ በሀገሪቱ ላይ ማህቀብ ከመጣል እንድትቆጠብ አስጠነቀቁ፡፡

የኢራን ፕሬዝዳንት የሆኑት ሀሰን ሮሀኒ በሠአታት ውስጥ የኒውክለር ማብላያችንን በድጋሚ ስራ ማስጀመር እንችላለን ሲሉ አሜሪካ በሀገሪቱ ላይ ማህቀብ ከመጣል እንድትቆጠብ አስጠነቀቁ፡፡
ዋሽንግተን ኢራንን በመቃወም በሀገሪቱ ላይ የጣለችው ማዕቀብ እና ማስፈራሪያ በሰዓት እና በቀናት ውስጥ መቆም አለባት ሲሉ ሀሰን ሮሀኒ ተናግረዋል፡፡
ሮሃኒ እንደተናገሩት በድጋሚ የተጀመረው የኒውክለር ማብላያ ስራ ሁለት ሺህ አምስት ላይ ከነበረው በበለጠ መሰራት አለበት በተጨማሪም ኢራን ከአለም አቀፍ ሀይላት ጋር የተፈራረመችው የኒውክለር ስምምነት የሀገሪቷን የዩራኒየም መበልጸግ አቅም ከፍ እንዲል እና አለም አቀፍ ማዕቀቡ እንዲነሳሳ በማሰብ ነው ብለዋል፡፡
ስለ ሮሃኒ የሃገሪቱ የህግ ባለሙያዎች በዛሬው ዕለት ባደረጉት ንግግር ስለ ኢራን አቅም ምንም አይነት ማስረጃ አላቀረቡም፡፡ ነገር ግን የትራምፕ አስተዳደር በኢራን ላይ ያለውን ግፊት እንዲያነሳ የሚገፋፋ ነው ሲሉ ተናግረዋል፡፡
ሮሃኒ ካስተላለፈው ዛቻ በኋላ በሌላ በኩል ኢራን በስምምነቱ ላይ ታማኝ መሆን እንደምትፈልግ ተናግረዋል፡፡ ዩ ኤስ ኤ ቱ ዴይ ዘግቦታል

Tuesday, 15 August 2017 10:45

ጀርመን የስዊዘርላንድ ባለስልጣኖች የታክስ ባለስልጣን መስሪያ ቤቴ ውስጥ በስውር ሰርገው ለመግባት ሰላዮች ልካብኛለች ስትል ወነጀለች፡፡

ጀርመን የስዊዘርላንድ ባለስልጣኖች የታክስ ባለስልጣን መስሪያ ቤቴ ውስጥ በስውር ሰርገው ለመግባት ሰላዮች ልካብኛለች ስትል ወነጀለች፡፡
ውንጀላውን ተከትሎ የጀርመን የመገናኛ ብዙሃን የፌዴራል ዐቃብያነ-ሕግ ምርመራውን እንደከፈቱ ዘግበዋል፡፡
የጀርመን ዓቃብያኖች ከስዊዘርላንድ የስለላ ድርጅት ሶስት ሰላዮች ላይ ምርመራ ማካሄድ በመጀመራቸው በጀርመን ባለሥልጣናት እንደታሰሩ ለሀገሪቱ መገናኛ ብዙሃን ዘግበዋል፡፡.ጉዳዩ ደግሞ የታክስ ስርዓቱን በህገ ወጥ መልኩ ለመሰለል በማሰባቸው እንደሆነ ተነግሯል፡፡
የስዊስ ባንኮች ላይ ያነጣጠረ የግብር አፇፃፀም በሚሰራው የጀርመን ታክስ ተመራማሪዎች ቡድንን ለመሰለል በመሞከር ወንጀል ተከስሰዋሌ.
የስለላ ሙከራ ተደርጎብኛል የምትለው ጀርመን አንድ በስዊስ ፌዴራላዊ አገልግሎት (NDB) ተቀጥሮ የሚሠራ "ዳንኤል ኤም 54" ሰው ብቻ ነው የስዊዘርላንድ ዜጋ በስዊዲን ህግ መሰረት የታወቀው.
የጀርመን ጋዜጣ ሱጁድቼ ፃይቱንግ እና የሁለቱን የሀገሪቱ አጠቃላይ ስርጭቶች እንዲሁም ሶስት አዳዲስ ግለሰቦች በስዊስ ናምቢ ሠራተኞች ተቀጣሪዎች እንደሆኑ ይናገራሉ.የጀርመን ፌዴራላዊ አቃቤ ህግ ጽ / ቤት በቅርብ ወቅታዊ የይገባኛል ጥያቄ ላይ አስተያየት አልሰጠም, እንዲሁም ሶስት ተጨማሪ ወንዶች ስማቸው አልተለቀቀም.
የ 2006 የጀርመን ባለስልጣናት ከስዊስ ባንኮቹ የተወረወሩ የግል መረጃዎችን የተሰረዙ ዲስኮች እና የዩኤስቢስ ዶከመንቶች የጀርመን ታክሶችን ማጭበርበሪያ ለመለየት ጥቅም ላይ ውለዋል.
ዘ ኢንዲፔንደንት

Monday, 14 August 2017 08:29

የቲቤት መንፈሳዊ መሪ ዳላይ ላማ ወደ አፍሪካዊቷ አገር ቦትስዋና ሊያደርጉት የነበረውን ጉዞ ሰረዙ፡፡

የቲቤት መንፈሳዊ መሪ ዳላይ ላማ ወደ አፍሪካዊቷ አገር ቦትስዋና ሊያደርጉት የነበረውን ጉዞ ሰረዙ፡፡
መንፈሳዊው መሪ ዳላይ ላማ ለጉዞዋቸው መሰረዝ እንደምክንያት የቀረበው ዶክተሮቻቸው ረጅም ጉዞ እንዳያደርጉና እረፍት እንደሚያስፈልጋቸው ስለነገሩዋቸው ነው ተብሏል፡፡ እርሳቸውም ከዶክተሮቻቸው ምክር በኃላ "የሰማንያ ሁለት አመት የእድሜ ባለፀጋ ስለሆንኩ ሰውነቴ እረፍት ያስፈልገዋል" በሚል ጉዞዋቸውን እንደሰረዙት እወቁት ብለዋል፡፡
ዳላይ ላማ በቦትስዋና ዋና መዲና ጋቦሮኒ በሚካኤደው የሰብአዊ መብት ኮንፍረንስ ላይ ለመሳተፍና እግረ መንገዳቸውንም የቦትስዋናውን ፕሬዝደንት አያን ካሃማን ለማግኘት አልመው ነበር፡፡
የቦትስዋናው ፕሬዝደንት አገራቸው በቲቤታውያን መንፈሳዊው መሪ እንደምትጎበኝ አሳውቀው በነበረበት ወቅት ቻይና ይህንን መሰል የአገሯን መሠረታዊ ጥቅም የሚጎዳ ነገር በፍፁም እንደማትቀበለው ማስጠንቀቋ ይታወሳል፡፡
ቻይና ቦትስዋናን ጨምሮ ከተለያዩ የአፍሪካ አገራት ጋር ያላት ግንኙነት ጠንካራ ነው፡፡ በዚህም መንፈሳዊው መሪ እ.ኤ.አ ከ2009 ጀምሮ ለሶስት ጊዜያት ያህል የቦትስዋና ጎረቤት አገር ወደ ሆነችው ደቡብ አፍሪካ እንዳይገቡ የመግቢያ ፈቃድ ተከልክለዋል፡፡
የቻይና መንግስት ቲቤትን ከአስተዳደሬ ነጥለው ራስ ገዝ ለማድረግ እየተንቀሳቀሱ ነው የሚላቸው የቲቤት መንፈሳዊው መሪ ዳላይ ላማ በስድስት አህጉራት የሚገኙ ስልሳ ሰባት አገራትን ጎብኝተዋል፤ የኖቤል የሠላም ሽልማትን ጨምሮ አንድ መቶ ሃምሳ ሽልማቶችን ተቀብለዋል ሲል ሚካኤል ጌታሠጠኝ አፍሪካ ኒውስን ዋቢ አድርጎ ዘግቧል፡፡

Friday, 11 August 2017 09:47

የቬንዙዌላን ቀውስ ለማረጋጋት እና የምርጫ ውጤቱን ግልጽ ለማድረግ አጣሪ የእውነት ኮሚቴ ተመሰረተ፡፡

የቬንዙዌላን ቀውስ ለማረጋጋት እና የምርጫ ውጤቱን ግልጽ ለማድረግ አጣሪ የእውነት ኮሚቴ ተመሰረተ፡፡
የአዲሱ የእውነት ኮሚቴ መሪ የሆኑት ዴልሲ ሮድሪጊየዝ እንደገለጹት አዲሱ ኮሚቴ በአሁን ሰአት ያለውን የፖለቲካ ብጥብጥ፣አለመረጋጋት እና ጥላቻን ለማስቆም የሚረዳ ነው ሲሉ ተናግረዋል፡፡
ካሳለፍነው ሚያዚያ ወር ጀምሮ በሀገሪቷ በተፈጠረው የፖለቲካ አለመረጋጋት ከመቶ ሀያ የሚበልጡ ሰዎች ሞተዋል፡፡
ህገ መንግስቱ አሸባሪ ተቋሞችን የተቃወመ ሲሆን የተባበሩት መንግስታት ግን አሸባሪዎቹ በጦር ሰራዊቱ እንዲገደሉ ሀሳብ ሰጥቷል፡፡
የኮሚቴው ምስረታ የጸደቀው በስብሰባው በተካፈሉት የመንግስት ባለስልጣናት ድምጽ ሲሆን ስብሰባውን በአፈ ጉባሄነት ይመሩ የነበሩትም ፕሬዝዳንት ኒኮላስ ማዱሮ ናቸው፡፡
ፕሬዝዳንት ማዱሮ እንደገለጹት አዲስ የተቋቋመው የእውነት ኮሚቴ በህገ መንግስቱ እና በህብረተሰቡ መካከል የተፈጠረውን አለመግባባት እንዲቀንሰ ያደርጋል ብለዋል፡፡
ነገር ግን አምስት መቶ አርባ አምስት የሚሆኑት የካቢኔ አባላቶች አሁን ያለው የፖለቲካ ብጥብጥ ይህን የእውነት ኮሚቴ ለማቋቋም ያስቸግራል ሲሉ ተናግረዋል፡፡
የአዲሱ የእውነት ኮሚቴ መሪ ሆነው የተሾሙት ዴልሲ ሮድሪጊየስ እንደገለጹት ይህ ኮሚቴ እየተካሄደ ያለውን የፖለቲካ ረብሻ በደንብ ማጣራት አለበት ሲሉ ተናግረዋል፡፡ ዘገባው የቢቢሲ ነው

Friday, 11 August 2017 09:31

ካናዳ ስደተኞች ወደ ሀገራ እስኪገቡ ድረስ እንዳይንገላቱ በሚል ጊዜያዊ የመጠለያ ካምፕ ሰራች፡፡

ካናዳ ስደተኞች ወደ ሀገራ እስኪገቡ ድረስ እንዳይንገላቱ በሚል ጊዜያዊ የመጠለያ ካምፕ ሰራች፡፡
የካናዳ ወታደራዊ ሀይል ከአሜሪካ ለሚመጡ የጥገኝነት ስፍራ ፈላጊዎች የሚሆን ካምፕ ለአሜሪካ ወሰን ቅርብ በሆነ ሴንት በርናርድ ዲላኮሊ በተባለ ከተማ አቋቋመ፡፡
የጦር ሰራዊቱ እንደገለፀው ከ አምስት መቶ ለሚበልጡ የጥገኝነት ስፍራ ፈላጊዎች የሚሆነው ይህ ካምፕ ስደተኞቹን የሚያገለግል በቂ መብራት እና የማሞቂያ መሳሪያዎች አሉት፡፡
በ2017 መጀመሪያ አካባቢም ከ አራት ሺህ ሦስት መቶ የሚበልጡ ስደተኞች የአሜሪካን ጠረፍ አቋርጠው ወደ ካናዳ ሄደው ነበር፡፡
ስደተኞቹ በቅድሚያ ያረፉት በሞንትሪል ኦሎምፒክ እስታዲየም ሲሆን በአሁን ሰአትም ለስደተኞቹ ለወደፊት የሚያገለግል ሆስፒታል በድጋሚ ተከፍቷል፡፡
ስደተኞቹ በአሜሪካ ለብዙ አመታት የኖሩ ቢሆንም እ.ኤ.አ በ2010 በደረሰው አስደንጋጭ የመሬት መንቀጥቀጥ የተሰደዱ ስልሳ ሺህ ስደተኞችን ፕሬዝዳንት ዶናልድ ትራምፕ ማባረሩ ወደ ካናዳ እንዲሰደዱ አድርጓቸዋል፡፡
የካናዳ መንግስት ይህ ስደተኞችን የመቀበል ስራ እንደሚቀጥል አሳውቋል፡፡
ምንጫችን ቢቢሲ ነው

Friday, 11 August 2017 09:31

ካናዳ ስደተኞች ወደ ሀገራ እስኪገቡ ድረስ እንዳይንገላቱ በሚል ጊዜያዊ የመጠለያ ካምፕ ሰራች፡፡

ካናዳ ስደተኞች ወደ ሀገራ እስኪገቡ ድረስ እንዳይንገላቱ በሚል ጊዜያዊ የመጠለያ ካምፕ ሰራች፡፡
የካናዳ ወታደራዊ ሀይል ከአሜሪካ ለሚመጡ የጥገኝነት ስፍራ ፈላጊዎች የሚሆን ካምፕ ለአሜሪካ ወሰን ቅርብ በሆነ ሴንት በርናርድ ዲላኮሊ በተባለ ከተማ አቋቋመ፡፡
የጦር ሰራዊቱ እንደገለፀው ከ አምስት መቶ ለሚበልጡ የጥገኝነት ስፍራ ፈላጊዎች የሚሆነው ይህ ካምፕ ስደተኞቹን የሚያገለግል በቂ መብራት እና የማሞቂያ መሳሪያዎች አሉት፡፡
በ2017 መጀመሪያ አካባቢም ከ አራት ሺህ ሦስት መቶ የሚበልጡ ስደተኞች የአሜሪካን ጠረፍ አቋርጠው ወደ ካናዳ ሄደው ነበር፡፡
ስደተኞቹ በቅድሚያ ያረፉት በሞንትሪል ኦሎምፒክ እስታዲየም ሲሆን በአሁን ሰአትም ለስደተኞቹ ለወደፊት የሚያገለግል ሆስፒታል በድጋሚ ተከፍቷል፡፡
ስደተኞቹ በአሜሪካ ለብዙ አመታት የኖሩ ቢሆንም እ.ኤ.አ በ2010 በደረሰው አስደንጋጭ የመሬት መንቀጥቀጥ የተሰደዱ ስልሳ ሺህ ስደተኞችን ፕሬዝዳንት ዶናልድ ትራምፕ ማባረሩ ወደ ካናዳ እንዲሰደዱ አድርጓቸዋል፡፡
የካናዳ መንግስት ይህ ስደተኞችን የመቀበል ስራ እንደሚቀጥል አሳውቋል፡፡
ምንጫችን ቢቢሲ ነው

Friday, 11 August 2017 09:23

30 ንጹሀን ዜጎች በማእከላዊ አፍሪካ ሪፐብሊክ በተፈጸመ ጥቃት ህይወታቸው አለፈ፡፡

30 ንጹሀን ዜጎች በማእከላዊ አፍሪካ ሪፐብሊክ በተፈጸመ ጥቃት ህይወታቸው አለፈ፡፡
ግጭቱ የተፈጠረው በማእከላዊ አፍሪካ ሪፐብሊክ በሚገኙት የታጠቁ ቡድኖች እና በራስ መከላከል ቡድን መካከል ሲሆን ህይወታቸው ካለፉ ንጹሃን መከከል በጋመቦ ከተማ የሚገኘው በቀጣይ ረቡእ እለት ለሚካሄደው የጤና ድርጅት ስብሰባ ለመታደም የመጡ 6የቀይ መስቀል በጎአደራጊዎች ይገኙበታል፡፡
በደም መፋሰስ ምስቅልቅሉ የወጣው ከባንጋሱ 75 ኪሎ ሜትር የምትርቀው የጋምቦ ከተማ ሁከቱ የተጀመረው ባሳለፍነው ሳምንት ነው፡፡ የምስራቅ አፍሪካ የ ቀይ መስቀል ፕሬዝዳንት የሆኑት አንቶኒ የአጋሮቻችንን ሞት መስማታችን ለኛ አስደንጋጭ ዜና ነው ሲሉ አያይዘውም ሁሉንም ፓርቲዮች ንጹሃን ዜጎችን እንዲተዉ እና የበጎ አድራጎት ሰራተኞችን እንዲያከብሩ ነግረናቸው ነበር ብለው ተናግረዋል፡፡
በ ማእከላዊ አፍሪካ ሪፐብሊክ አስራ ሁለት ሺህ የሰላም አስከባሪዎች ቢኖሩም በጋመቦ በተፈጠረው ግጭት ላይ አንዳቸውም ግጭቱን ለማብረድ አልተገኙም፡፡
የሃገሪቱ ቃለ አቀባይ እንዳሉት የሰላም አስከባሪዎቹ ሳይመጡ ስለቀሩ የራሳቸንን ወታደሮች አደራጅትን ልከናል ብለዋል፡፡
የአለም አቀፍ ጥበቃ ደርጅት በህጉ ላይ እንዳስቀመጠው ማንኛውም የበጎ አድራጎት ድርጅቶች በማንኛውም ቦታ ሲንቀሳቀሱ ጥበቃ እንዲደረግላቸው ይላል ነገር ግን በዚህ አመት በቻ በቀይ መስቀል ላይ እነደዚህ አይነት አደጋ ሲደርስ 3ኛ ጊዜ ነው፡፡ የተባበሩት መንግሰታት የእርዳታ ድርጅት ዋና መሪ ይሄ ግጭት የ ጅምላ ጭፍጨፋ ምልክት ነው ሲሉ ተናግረዋል፡፡
ዘገባው የቢቢሲ ነው፡፡

Friday, 11 August 2017 09:11

በኬንያ በአንድ የምርጫ ጣቢያ በተነሳ ብጥብጥ የ አራት ሰዎች ህይወት አለፈ፡፡

በኬንያ በአንድ የምርጫ ጣቢያ በተነሳ ብጥብጥ የ አራት ሰዎች ህይወት አለፈ፡፡
አንድ የአይን እማኝ እንደተናገረው ፖሊስ 3ሰዎች ተኩሶ ገድለ አራተኛው ደግሞ በተቃዋሚዎች የተገደለ ነው፡፤ቢሆንም ግን ሁከት እና ብጥብጡ እስካሁን እንዳቀጠለ ነው፡፡ኬንያውያኖች የ2007 የፕሬዝዳንት ምርጫ አስከትሎ በመጣው ክርክር ምክንያት አንድ ሺህ ሰዎች የሞቱበት የዘር እልቂት ተመልሶ እንዳይመጣ በፍርሃት እና በጭንቀት ላይ ናቸው::
የኤሌክትሮኒክስ ድምጽ መስጫ ተጭበርብሯል በሚል የተቃዋሚ መሪው ራይሊ ኡዲንጋ ሲሰነዝሩ የነበረውን ትችት የሃገሪቱ የምርጫ ኮሚሽን መሰረተ ቢስ እንዲሁም የፈጠራ ወሬ ነው ሲል ጉዳዩን አጣጥሎታል፡፡በነሳይሮቢ እና በ ኪሰሙ ከማክሰኞ ጀምሮ የ ድምጽ ቆጠራው ቀጥሏል የምርጫ ኮሚሽኑም ምርጫው ነጻ እና ፍትሃዊ እንደሚሆን ገልጸዋል፡፡
የኤሌክተሮኒክሱን የድምጽ መስጫ የሰበሩት ሰዎች ባለፈው ጊዜ በጭካኔ ተገድሎ የነበረውን የምርጫ ቢሮ ሰራተኛውን መታወቂያ ሊጠቀም እንደሚችል ተቃዋሚው መሪ ኡዲነጋ ጥርጣሪያቸውን ገልጸዋል፡፡ በሚወጣው የኬንያ ውጤት ላይ የተቃዋሚ መሪው ንግግር ሽብር ሊያስነሳ እነደሚችል የኬንያ ስጋት ነው፡፡
በናይሮቢ የተቃውሞ ሰለፍ ከወጡት ሰዎች ፖሊስ አነድ ስው ገደለ እንዲሁም ሰላመዊ ሰልፍ የወጡ 100 ሰዎችን በትኗል በተመሳሳይም በ ኮስታል ታና ወንዝ ዳርቻ በምተገኝ መንደር በተከሰተው ጥቃት የተመለከቱ የአይን እማኝ እንደተናገሩት የታጠቁ ወንበዴዎች 1 ሰው ገድለው ብዙ ሰዎች ማቁሰላቸውን ተናግረዋል፡፡ ፖሊስም 2ጥቂዎችን ተኩሶ ገድሏል፡፡የውጭ ታዛቢዎች የተፈጠረው ነገር ማስረጃ ስለሌለው አስተያየት ከመስጠተት ተቆጥበዋል ነገር ግን ሁሉም ፓረቲዎች እንዲረጋጉ አሰገንዝበዋል
የምርጫ ቦረዱ መሪ እዛራ ቺሎባ እንዳሉት ከምርጫው በፊትም ሆነ ከምርጫው በኋላ ምንም አይነት የውጭ ጣልቃ ገብንት አልተፈጠረም የኛ የምርጫ አስተዳደር ስርአት ደህንነቱ የተጠበቀ ነው ሲል አያይዞም የኤሌክትሮኒክስ ድምጽ መስጫው ተሰብሯል እንዲሁም ተጭበርብሯል በሚል የተነሳውን ቅሬታ እነደሚያጣራ ለሀገሪቱ የዜና አሰራጮች ገልጸዋል፡፤
የምርጫ ቦርድ በድህረ ገጹ እነዳስቀመጠውፕሬዝዳንት ኬንያታ በ 54.3 በመቶ የመራጮች ድምጽ ለ 44.8በመቶ ተቃዋሚያቸውን ኦዲንጋን 97 በመቶ በሚሆኑ የምርጫ ጣቢያዎች 1.4 ሚሊዮን በሚሆን የመራጭ ድምጽ በማግኘት በሰፊ ድምጽ እየመሩ እንደሆነ ዘግቧል ፡፡
ዘገባው all Africa .com

Friday, 11 August 2017 09:00

ኳታር ከ 80 ሀገራት የሚመጡ ዜጎች ያለ ቪዛ እንዲገቡ ፈቀደች ከአፍሪካ ሁለት ሀገራት ብቻ ተካተዋል፡፡

ኳታር ከ 80 ሀገራት የሚመጡ ዜጎች ያለ ቪዛ እንዲገቡ ፈቀደች ከአፍሪካ ሁለት ሀገራት ብቻ ተካተዋል፡፡
ሀገሪቱ በትናንትናዉ እለት ይፋ እንዳደረገችዉ እየደከመ የመጣዉን የአየር ትራንስፖርቷን ለመደገፍ ከተለያዩ ሀገራት የሚመጡ ዜጎችን ያለ ቪዛ እንዲገቡ ፈቅዳለች
ህንድን ጨምሮ ሊባኖን ኔዘርላንድ ደቡብ አፍሪካ አሜሪካ እንዲሁም ከ አዉሮፓ ሀገራት የሚመጡ ዜጎች በነዳጅ ሀብቷ ወደበለጸገችዉ ሀገር ኳታር ለመግባት ፓስፖርት ብቻ እንደሚያስፈልጋቸዉ የተገለጸ ሲሆን
ቪዛ ከተፈቀደላቸዉ 80 ሀገራት መካከል 33 ቱ 180 ቀናት እንዲሁም ቀሪዎቹ 47 ሀገራት ለ 30 ቀናት ያህል ነዉ እንዲቆዩ የሚፈቀድላቸዉ
ይህ ዉሳኔም የኳታር ከፍተኛ የገቢ ምንጭ የሆነዉን ቱሪዝም ለማሳደግ እንደሚረዳ ታምኗል
የጎብኚዎቿን ቁጥር በግማሽ የሚይዙት የ ባህረሰላጤዉ ሀገራት ዜጎች ወደ ኳታር እንዳይገቡ የተከለከሉ በመሆኑ ሀገሪቱ አሁን የወሰነችዉ ዉሳኔ የተሻሉ ጉብኚዎችን እንድታገኝ ያስችላታል ተብሏል፡፡
በሳዑዲ አረቢያ የሚመራዉ የባህረሰላጤዉ ሀገራት ከኳታር ጋር ያላቸዉን ግንኙነት ካቋረጡ ሁለት ወራት አልፏል፡፡
የትራንስፖርት ክልላቸዉንም ለኳታር ዝግ አድርገዉ እንደነበር ይታወሳል፡፡
ዘገባዉ የሮይተርስ ነዉ፡፡

Thursday, 10 August 2017 07:55

የአለም የጤና ድርጅት ባወጣው መረጃ መሰረት በናይጄሪያ ወባ በከፍተኛ መጠን ገደይ ከሚባሉ በሽታዎች ውስጥ ቀዳሚነቱን ይዞል፡፡

የአለም የጤና ድርጅት ባወጣው መረጃ መሰረት በናይጄሪያ ወባ በከፍተኛ መጠን ገደይ ከሚባሉ በሽታዎች ውስጥ ቀዳሚነቱን ይዞል፡፡
በሰሜን ምስራቅ የናይጄሪያ ግዛት በሆነቸው ቦርኖ በስምንት አመት ውስጥ 3.7 ሚሊየን የሚደርሱ ዜጎች እርዳታ የሚፈልጉ ሲሆን በየሳምነቱ ስምንት ሺ ህ ያህል ደግሞ በበሽታው ይጠቃሉ፡፡ እንደ ጤና ድርጅቱ መረጃ ከሆነ ይሄ በሽታ በወርሃ ጥቅምት በይበልጥ እየተስፋፋ እንደሚመጣም ተናግረዋል፡፡ በተጨማሪም በሀገሪቱ የወባ በሽታ ተጠቂዎች ቁጥር እየጨመረ እንደሚመጣ አስታውቀዋል፡፡
በአሁኑ ወቅት በሀገሪቱ ከሚከሰው ሞት ከግማሽ በላይ የሚሆነው በወባ ሲሆን ኮሌራ እና ኢ የሚባለው የጉበት በሽታ ተከታዩን ስፍራ ይይዛሉ፡፡ 58.8 በመቶ ያህሉ በህጻናት ላይ እንደሚከሰቱም መረጃው ያሳያል፡፡
60 በመቶ የሚሆኑት የሀገሪቱ የጤና ማእከል አገልግሎት የሚሰጡት ለሌሎች ጤና ሽፋኖች በመሆኑ የወባ በሽታ ትኩረት ተሰጥቶት ሊሰራበት እነደሚገባም በጥናቱ አስቀምጦል፡፡
በአንድ ሀገር ውስጥ የወባ በሽታ መስፋፋት ለሀገሪቱ ሰብአዊ ቀወስ ችግር ምክንያት እንደሚሆን የአለም የጤና ድርጅት ዳይሬክተር የአለም አቀፍ የወባ በ መከላከል ዝግጅት ክፍል የሆኑት ዶክተር ፔድሮ አሎንሶ ገልጸዋል፡፡
10 ሺህ የሚደርሱ የናይጄሪያ ዜጎችን ከበሽታው ለመታደግ አለም የጤና ድርጅት ገንዘብ መመደቡን አስታውቋል፡፡
የወባ በሽታ የሚከሰተው ጥገኛ በሆኑ የሴት ወባ ትንኞች ማለትም በአናፎሊስ ነው፡፡ በአፍሪካ 200 ሚሊየን የሚጠጉ ዜጎች በወባ የተያዙ ሲሆን አራት መቶ ሰላሳ ሰባት ሺህ በዚሁ በሽታ ህይወታቸው አልፎል፡፡ በአጠቃላይ በአፍሪካ ከሚከሰቱ የሞት አደጋዎች 90 በመቶ የሚሆኑት በወባ እንደሆነ አለም የጤና ድርጅት መረጃ ያሳያል፡፡

Tuesday, 08 August 2017 12:10

የዩጋንዳና የታንዛኒያ ፕሬዚዳንቶች ለአለም ረጅሙ የድፍድፍ ነዳጅ ማስተላለፊያ የትቦ መስመር ለመዘርጋት የግንባውን የመሰረት ድንጋይ አስቀመጡ፡

የዩጋንዳና የታንዛኒያ ፕሬዚዳንቶች ለአለም ረጅሙ የድፍድፍ ነዳጅ ማስተላለፊያ የትቦ መስመር ለመዘርጋት የግንባውን የመሰረት ድንጋይ አስቀመጡ፡፡
የታንዛኒያ ፕሬዚዳንት ጆን ማግፉሊ እና የዩጋንዳ አቻቸው ወሪ ሙሴቪኒ ቅዳሜ እለት ለድፍድፍ ነዳጅ ማተላለፊያ የሚሆን ከሆሚያ ዩጋንዳ እስከ ታንዛኒያ የህንድ ውቂያኖስ ወደብ ታንጋ የሚደርስ ማስተላለፊያ ትቦ ለመገንባት የመሰረት ድንጋዩን አስቀምጠዋል፡፡

መስመሩ 1ሺህ 443 ኪሎ ሜትር ሲረዝም 3.55ቢሊዩን ዶላር ይፈጃል፡፡ ሲጠናቀቅም በቀን 200ሺህ ሊትር ነዳጅ ያስተላልፋል፡፡ በዚህም በአለም ረጅሙ የነዳጅ ማስተላለፊያ መስመር ይሆናል፡፡

የሀገራቶቹ ባለስልጣናት ግንባታው እ.ኤ.አ በ2018 መጀመሪያ ላይ ይጀመራል ብለዋል፡፡ ፕሮጀክቱ በ 36 ወራት እንደሚጠናቀቅ እና ከ6ሺህ እስከ 10ሺህ ለሚሆኑ ሰራተኞች የስራ እድል እንደሚፈጥርም ይጠበቃል፡፡

ዩጋንዳ በአሁኑ ወቅት 6.5 ቢሊዩን በርሜል የሚሆን የድፍድፍ ነዳጅ ክምችት አላት፡፡ በተጨማሪም 1.7 ቢሊየን በርሜል ድፍድፍ ነዳጅ ደግሞ በመሬቷ ያለ እና ገና ተቆፍሮ ያልወጣ ነው፡፡

በታንዛኒያ በኩል በተጨማሪም እንደ ካሌሚኒ ገለጻ የማስተላለፊያ መስመሩ 8 ክልሎችን፤ 24 ወረዳዎችን እና 184 መንደሮችን ያልፋል፡፡
ፕሬዚዳንት ማግፉሊ በመሰረት ድንጋይ ማስቀመጥ ስነ ስርአቱ ላይ በታንጋ አካባቢ ብቻ በቀጥተኛም ሆነ ቀጥተኛ ባልሆነ መንገድ ከፕሮጀክቱ ተጠቃሚ የሚሆኑ 45ሺህ የሚሆኑ ወጣቶች አሉ ብለዋል፡፡
መረጃውን ያገኘነው ከዩጋንዳ ዴይሊ ኦይል ጆርናል ነው፡፡

Tuesday, 08 August 2017 11:19

የኬንያ ከፍተኛ ፍርድ ቤት የመራጮች ስም ዝርዝር ለህዝብ ይፋ እንዲሆን አዘዘ፡፡

የኬንያ ከፍተኛ ፍርድ ቤት የመራጮች ስም ዝርዝር ለህዝብ ይፋ እንዲሆን አዘዘ፡፡
ፍርድ ቤቱ የኬንያ ነጻ የሆነ ምርጫ አስመራጭ እና የድንበር ኮሚሽን (IEBC) በ48 ሰአታት ውስጥ ለመምረጥ የተመዘገቡ ሰዎችን ዝርዝር አሳትሞ ለህዝቡ ይፋ እንዲያደርግ አዟል፡፡
ምንም እንኳን (IEBC) ዝርዝሩ ከፍርድ ቤቱ ትእዛዝ በፊትም ለህዝብ ክፍት እንደሆነ ቢናገርም ፍርድ ቤቱ ግን እንዲያሳትሙ አዟቸዋል፡፡
ፍርድ ቤቱ በተጨማሪም ዝርዝሩ ይፋ ስለመደረጉ ለፍርድቤቱ የቀረበ ምንም አይነት የማረጋገጫ ማስረጃ የለም ብሏል፡፡
በመጨረሻም ዳኛ ኦቡንጋ ከዚህ በኋላ ኮሚሽኑ በየምርጫው ይህንን የማሳወቅ እና የማሳተም ግዴታ እንዳለበት አስፈላጊውን የህግ ድንጋጌ ጠቅሶ አስታውቋል፡፡
የኬንያ የምርጫ ድንጋጌ ኮሚሽኑ ከአጠቃላይ ሀገራዊ ምርጫ 90 ቀን አስቀድሞ ወይም ከ30 ቀን ባላነሰ ጊዜ ውስጥ የመራጮች ስም ዝርዝር ለህዝብ ይፋ ማድረግ እንደሚኖርበት ይደነግጋል፡፡
ዘገባው የኦል አፍሪካ ነው፡፡

Tuesday, 08 August 2017 07:19

በአፍጋኒስታን ኢ-ሰብዓዊ በሆነ መንገድ በርካታ ሰዎች መገደላቸው ተሰማ፡፡

በአፍጋኒስታን ኢ-ሰብዓዊ በሆነ መንገድ በርካታ ሰዎች መገደላቸው ተሰማ፡፡
በሰሜናዊ አፍጋኒስታን ሳሬ ፑል ክፍለ አገር አማፂዎች ባደረሱት ጥቃት ከሃምሳ በላይ ሰዎች ጭካኔ በተሞላበት መንገድ መገደላቸው ታውቋል፡፡ የሳሬ ፑል ክፍለ አገር አስተዳደር ቃል አቀባይ ዛቢሁላህ አማኒ እንዳሉት በሚርዛ ኦላንግ አካባቢ ሳያድ አውራጃ የውጪ ታጣቂ ኃይሎች ጭምር ተሳትፈውበታል ባሉት ጥቃት ነው ሰዎቹ ለህልፈት የተዳረጉት፡፡
ቃል አቀባዩ አክለው የታሊባን እና አይ. ኤስ. ኃይሎች በጋራ ጥምረት የፈፀሙት ጥቃት ነው ቢሉም የታሊባን ኃይል ይህንን ጥቃት አልፈፀምኩም፤ ከጥቃቱ ጋር የተየያዘ ምንም አይነት ንክክኪም የለኝም ሲል አስተባብሏል፡፡ እንደውም እንደ ታሊባን ገለፃ የቀረበበት ክስ ፕሮፖጋንዳ ነው፡፡
የሺያ ሃዛራ ማህበረሰብ ናቸው የተባሉ ህፃናት፣ ሴቶች እና በእድሜ የገፉ አዛውንቶች የጥቃቱ ሰለባ መሆናቸውን የመንደሩ ሽማግሌዎች ገልፀዋል፡፡ በጥቃቱም ሰባት የአፍጋኒስታን የደህንነት ኃይሎችን ጨምሮ የአማፂ ቡድኑ አባላቶች መገደላቸው ታውቋል፡፡
በዋና መዲናይቱ ካቡል ከፍተኛ የመንግስት ባለሥልጣን የሆኑ አንድ ሰው እንዳሉት የአፍጋን አየር ኃይልን ጨምሮ ሌሎች የደህንነት ኃይሎች ጥቃቱ ወደ ደረሰበት ቦታ ተልከዋል፡፡
በአፍጋኒስታን ያለው ግጭት በዚህ አመት ተባብሶ የቀጠለ ሲሆን በደርዘን የሚቆጠር የደህንነት ችግር በየቀኑ ይከሰታል፡፡ እንደ ተባበሩት መንግስታት ድርጅት ገለፃ ከሆነ ደግሞ በአመቱ አጋማሽ እንኳን አንድ ሺህ ስድስት መቶ ስልሳ ሁለት ንፁኃን የአገሪቱ ዜጎች ሲገደሉ ሶስት ሺህ አምስት መቶ ሰማንያ አንድ ሰዎች የጉዳት ሰለባ ሆነዋል፡፡ ዘገባው የ ዘ ኢንዲፔንደንት ነው፡፡

Tuesday, 08 August 2017 07:07

የመብት ተሟጋች ቡድኖች እስራኤል በአልጀዚራ ላይ ለመጣል ያሰበችውን እገዳ አወገዙት፡፡

የመብት ተሟጋች ቡድኖች እስራኤል በአልጀዚራ ላይ ለመጣል ያሰበችውን እገዳ አወገዙት፡፡
በእየሩስአሌም የሚገኘውን የአልጀዚራ ቢሮ እንዲዘጋ እስራኤል ውሳኔ ለማስተላለፍ ማቀዷን ተከትሎ የመብት ተሟጋች ቡድኖች፣ ጋዜጠኞች እና ታዛቢዎች ያላቸውን ቅሬታ አሰምተዋል፡፡
የእስራኤል መገናኛ ሚኒስትር የሆኑት አዩብ ካራ በአገራቸው የሚገኘው የአልጀዚራ የዜና አውታር በአረቢኛ እና እንግሊዝኛ የሚያስተላልፋቸው የተለያዩ ዘገባዎች ታአማኝነት የሌላቸው በመሆኑ እገዳው እንዲጣል ለአገሪቱ የህዝብ ተወካዮች ምክር ቤት ምክረ-ሃሳብ አቀርባለሁ ማለታቸውን ተከትሎ ነው ቅሬታውና ተቃውሞው መደመጥ የጀመረው፡፡
አልጀዚራ የዜና አውታር የተለያዩ ቡድኖች ሽብር መንዣ ሆኗል ሲሉ ሚነስትሩ አክለው ተናግረዋል፡፡ አዩብ ካራ ይህንን መግለጫ በሰጡበት ወቅት የአልጀዚራ ጋዜጠኞች ወደ ስብሰባ አዳራሽ እንዳይገቡ እገዳ ተጥሎባቸው ነበር፡፡
መሰረቱን ኳታር፥ ዶሃ ያደረገው አልጀዚራ በበኩሉ በመካከለኛው ምስራቅ 'ብቸኛ ዲሞክራሲያዊት አገር' የምትባለው እስራኤል እንዲህ አይነቱን ውሳኔ ማስተላለፏን ነቅፎ የውሳኔ ሃሳቡን እንደማይቀበለው አስታውቋል፡፡
CPJ በበኩሉ እስራኤል እንዲህ አይነት ውሳኔ ለማስተላለፍ ማቀዷን ሙሉ በሙሉ እንድታስቀረውና ጋዜጠኞች በአገሪቱና እና አገሪቱ በወረረቻቸው አካባቢዎች በነፃነት ተንቀሳቅሰው እንዲዘግቡ መፍቀድ አለባት ብሏል፡፡
ጥቅምት 22 ቀን 1989 ዓ.ም በይፋ ስራውን የጀመረው አልጀዚራ የዜና አውታር ከኳታሩ ኤሚር ሼክ ሃማድ ቢን ከሊፋ በተገኘ አንድ መቶ ሠላሳ ሰባት ሚሊዮን ዶላር ብድር የተመሰረተ ነው፡፡ ዘገባው የሮይተርስ ነው፡፡

Friday, 28 July 2017 08:29

እራኤል በአላስቃ መስኪድ ላይ ያደረገችው የብረት መፈተሻ እዲነሳ ተደረገ፡፡

እራኤል በአላስቃ መስኪድ ላይ ያደረገችው የብረት መፈተሻ እዲነሳ ተደረገ፡፡
በእስራኤላውያኑ ቴምፕል ማውንት የሚባለውና ፍልስጤማውያኑ ሃራም አል ሸሪፍ የሚሉት የአል አቅሳ መስኪድ የሚገኝበት ቅዱሱ ስፍራ ከብዙ ውዝግብ በኋላ ለአምልኮ ተከፍቷል።
በምስራቃዊ ኢየሩሳሌም የሚገኘው የአል አቅሳ መስኪድ ባሳለፈው ሃምሌ ወር በደረሰው ጥቃት ምክንያት መዘጋቱ በርካታ ተቃውሞዎችን አስነስቶ ነበር።
በሰአቱ በቅዱሱ ስፍራ በተፈጠረው ግጭትም ስምንት ፍልስጤማውያን ሶስት እስራኤላዊያን መሞታቸው አይዘነጋም ፡
ከብዙ ውዝግብ ቡሃላ የአላቅሳ መስኪድ ለአምልኮ ክፍት ተደርጓል ይሁን እንጂ
በአካባቢው ያለውን የፀጥታ ስራ ለማጠናከር የጦር መሳሪያ መፈተሻዎች እና የደህንነት ካራሜራዎች በመግቢያ በሮቹ ላይ ተገጥመዋለታል።
እስራኤል የፀጥታ ስራ ስትል የወሰደቺው እርምጃ ፍልስጤማውያኑን በማስቆጣቱ ተደርጎ የነበረው የብረት መፈተሸ መሳሪያዎችን እንድታነሳ ተደርጋለች ።
ቢቢሲ