በአራት የሀገሪቱ አካባቢዎች ለቀላል አውሮፕላን ማረፊያ የሚሆን ቦታ ተመረጠ፡፡

ነሐሴ 12/2008 ዓ.ም

የኢትዮጵያ ኤርፖርቶች ድርጅት ከዓለም አቀፍ መዳረሻዎቹ ባለፈ የሃገር ውስጥ በረራ መዳረሻዎችን ለማስፋፋት እቅድ ይዞ እየሰራ ሲሆን የሽሬ፣ ጅንካ፣ ሐዋሳ እና ሮቤ ኤርፖርቶች የአውሮፕላን ማረፊያ ሜዳ እና መዳረሻ መንገድ ግንባታ ስራ በአብዛኛው ግንባታቸው መጠናቀቁን ዋና ስራ አስፈፃሚው አቶ ቴዎድሮስ ዳዊት ተናግረዋል፡፡

የባህር ዳር ግንቦት 20 ዓለም አቀፍ ኤርፖርት የአውሮፕላን ማረፊያ ሜዳ ማስፋፊያ እና የላሊበላ ኤርፖርት የአውሮፕላን ማረፊያ ሜዳ እድሳት እየተከናወነ ነውም ብለዋል፡፡

በደብረ ማርቆስ፣ ቴፒ፣ በነገሌ ቦረና እና በሽላቦ አካባቢዎች ለቀላል አውሮፕላን ማረፊያ የሚሆን የቦታ መረጣ ለማከናወን ዓለም አቀፍ ደረጃውን መሰረት አድርጎ የቅድመ ዝግጅት ስራ መካሄዱንና በአራቱም አካባቢዎች የቦታ መረጣ ተከናውኖ ለየክልሉ አስተዳደር ገለፃ መደረጉን አቶ ቴዎድሮስ ዳዊት ተናግረዋል፡፡ (ያልፋል አሻግር)

Leave a comment

Make sure you enter the (*) required information where indicated. HTML code is not allowed.