ዘንድሮ የ10ኛ ክፍል መልቀቂያ ፈተና የወሰዳችሁ ውጤታችሁን ከሶስት ቀናት በኋላ ጠብቁ ተባለ፡፡

ነሐሴ 20/2008 ዓ.ም

የሃገር አቀፍ የትምህርት ምዘናና ፈተናዎች ኤጀንሲ የ2008 ዓ.ም የ10ኛ ክፍል መልቀቂያ ፈተናን የወሰዱ ተማሪዎች ውጤታቸውን ከሶስት ቀናት በኋላ አሳውቃለሁኝ ብሏል፡፡

የኤጀንሲው ምክትል ዋና ዳይሬክተር ዶ/ር ዘሪሁን ዱሬሳ እስከዛሬ በማህበራዊ ድረ-ገፆች የ10ኛ ክፍል ውጤት ይፋ ሆነ በሚል የተለቀቁት መረጃዎች ፍፁም ሀሰት ናቸው፤ ተፈታኞች ሊያምኑ አይገባም ያሉ ሲሆን ትክክለኛው የኤጀንሲው ውጤት በቀጣይ ቀናት የሚገለፅ እንደሆነም ሊያውቁ ይገባል ብለዋል፡፡

ውጤቱን ይፋ ለማድረግ የአጭር የጽሁፍ መልዕክት መቀበያ SMS እና የዌብ ሳይት ስራዎች ብቻ እንደቀሩም ዶ/ር ዘሪሁን ተናግረው እነዚህ ስራዎች እንደተጠናቀቁ ውጤቱ ይፋ ይሆናል ብለዋል፡፡

የ10ኛ ክፍል ፈተና ከግንቦት 17 እስከ ግንቦት 19 ቀን 2008 ዓ.ም መሰጠቱ የሚታወስ ሲሆን የ 12ኛ ክፍል ተፈታኞችን ጨምሮ ዘንድሮ ከ1.3 ሚሊየን በላይ ተማሪዎች ለፈተና ተቀምጠዋል፡፡ (ያልፋል አሻግር)

Leave a comment

Make sure you enter the (*) required information where indicated. HTML code is not allowed.