የኤም.አር.አይ /MRI/ እና ሲቲ ስካን የህክምና ምርመራዎችን ለማድረግ አቅም ለሌላቸው ጳጉሜ ወር ላይ ነፃ ህክምና ይሰጣቸዋል ተባለ፡፡

ነሐሴ 26/2008 ዓ.ም

ይህን ያለው ውዳሴ ዳያግኖስቲክ ማዕከል ሲሆን ላለፉት 6 ዓመታት “ጳጉሜን ለጤና” በሚል መርህ የዳያግኖስቲክ ህክምና አገልግሎትን በነፃ ሲሰጥ ቆይቷል፤ ዘንድሮም ለ7ኛ ጊዜ ይህን የነፃ አገልግሎት ለመስጠት ተዘጋጅቻለው ብሏል፡፡

ዘንድሮ ከጳጉሜ 1-5 ቀን 2008 ዓ.ም ድረስ ምርመራ እንዲያደርጉ ከመንግስት ሆስፒታሎች የሃኪም የትዕዛዝ ወረቀት የተሰጣቸውና ህክምናው የሚጠይቀውን ገንዘብ ለመክፈል አቅም የሌላቸው ህሙማን አገልግሎቱን ያገኛሉም ተብሏል፡፡

የውዳሴ ዳያግኖስቲክ ማዕከል ማኔጂንግ ዳይሬክተር የሆኑት አቶ ዳዊት ሃይሉ እንደተናገሩት ማዕከሉ ከመንግስት ሆስፒታሎች ጋር በመተባበር ይህን ነፃ የምርመራ አገልግሎት ይሰጣል፤ ዘንድሮም የሲቲ ስካን እና የኤም.አር.አይ /MRI/ የምርመራ አገልግሎትን በነፃ ለመስጠት ተዘጋጅተናል ብለዋል፡፡

ባለፉት 6 ዓመታት ከ5 ሺህ በላይ አቅም የሌላቸው ዜጎች የሲቲ ስካን እና ኤም.አር.አይ /MRI/ ምርመራን በነፃ ከውዳሴ ዳያግኖስቲክ ማዕከል ያገኙ ሲሆን ዘንድሮ ከ800-1000 ለሚደርሱ ሰዎች ህክምናውን ለመስጠት ታስቧል፡፡ (ያልፋል አሻግር)

Leave a comment

Make sure you enter the (*) required information where indicated. HTML code is not allowed.